الچذاب يروح للجنة ..... قـنـقـيـنة

بس شحچيلكم .. باردة ثلج ..

الچذاب يروح للجنة

قـنـقـيـنة
8na8ena_77

****

طبعا كلكم تعرفون الحرب العالمية الثانية تقريبآ بال ( 1935 )
اني جان بوكتها عمري 16 سنة تقريبا او يمكن 23 ما ادري المهم
... گاعد بالبيت دا العب بلي ستيشن چان يدگ عليه الموبايل
( اي لا تتعجبون من ذاك الوكت چان عندي مو بايل لتأذونه )

اي اكمللكم ... دگ الموبايل وسكت ... گلت اهووو هاي شلون كروة تعبانة
... هم مس كول !! گلبي خلصان من هالسوالف ...
باوعت على الرقم .. طلع رقم رئيس الجمهورية مال روسيا ..
المهم خابرته وامري لله .. شاله ..
گلي قنقينه وليدي اسف لان سويتلك مس كول وادري بيك لسان دلاله
فأعتذر منك مقدما ..
واني اسف على الازعاج بس الوضعية حيل داچه ..
والجيش نصه راح بالزلگ ... محتاجيك حيل ..

اني صفنت هيچي ...
تذكرت ايام الطفولة من چنت العب دعابل بروسيا
ويه ابن قائد الفيلق مال حماية المنشآة الروسية ...
والله ترست المولدة ... وچيكت الدهن ...
واخذت البايسكل مالتي وقبّطت سكليتر .. وين ؟؟
عالخط السريع مال الحله - كربلاء ..
ذبيته دي ومناك گلت اخذ يمنه على روسيا ..
والله نص ساعةاني بنص موسكو ..
بس شحچيلكم .. باردة ثلج ..
شغلت التدفئة مال البايسكل وصعدت الجامات ..
والله گتلهم وين بيت رئيس الجمهورية مالتكم ؟؟
گالولي بقطاع 20 يم مرطبات احمد ابو خيسه ..
المهم وصلت .. دگيت الباب .. طلع سرمد ..
ابن الرئيس الروسي اسمه سرمد
اني معليه لتأذونه هية امه من المشتل ..
خطية الرجال جانت شغلته حيل عاوية ..
وحالته زفت ..
حضني .. وگلي الله جابك .. گتله خير يمعود ؟؟
گال يمعود هيچي وهيچي السالفة ..
والالمان طبوا بينه گول .. گتله يمعود صدك چذب
اني موجود ويصير هيچي ؟؟
المهم اني رايح هسة منا ليومين تسمع خير ..
گول يا الله ..

طلعت رحت على ولد اعرفه بروسيا اسمه سمير ..
هذا شقاوة مال بغداد چان وصديقي كلش واسمه الحركي سمير كرويته ..
گتله سموري هيجي وهيجي الفلم اريد اسلحة ..
گلي تدلل شتريد ؟؟ گتله اريد 65 صاروخ ارض ارض
و 34 صاروخ ارض ماي و 89 بي كي سي وفد رمانة يدوية ..
و 55650 لغم منوع بين مضاد بشر ومضاد للدبابات ...

والله حطلياهن بعلاگه .. اخذتهن وگبل وعدل للجبهة .. وين ؟
بالخطوط الامامية... ما اجذب عليكم الوضعية صدك چانت داچه ..
بس اني قنقينه خوما اخاف ؟؟
لا يابه لا .. گتلهم للجنود يلله بابه انتو لمو چوالاتكم وروحوا يلله ..
مالكم علاقة .. السالفة يمي صارت ..
همه هم كيفوا راسا كامو يصيحون .. هيييي للبيوت

صفنت اني هيجي ..
گلت بگلبي امداك ايها الرئيس الروسي على هالجنود ..

المهم خلي نرجع لمحور حديثنا ..
والله باوعت يمنه .. يسره .. شحچيلكم ..
بلـ ( 25468457985647895 ) جندي الماني ..
وازغر واحد بيهم راكب دبابه منفيست حديث ..
بس اني خوما انسحب ؟ تعرفوني سبع اني ...
نصبت الصواريخ على جتفي وبديت اصيح ..
لكم اني الكم .. سرسريه .. تاخذونه غفل
.. طبا .. طبا .. جيبا .. الله .. ملخه .. صمطه .. لطمه ..
والله صفيتهم بقيت بس سبعة جنود ودبابتين
واني باقيلي رمانة وعلچ عسكري عدد واحد .. شسويت ؟
لزگت العلچ بالرمانة وشمرتها عالدبابة .. لزگت بيها .. چان تنفجر ..
بقت دبابه وحده .. ركضت عليها وبيدي قلم ابو النبالات
( لتأذونه وتسألون منيلك القلم بهالزلگ )
والله بالقلم گطعت السرفة مال الدبابة
.. وگفت الدبابة ..
گمزت عالقمارة .. فتحت الباب ..
چان اشوف قائد الدبابة يرجف من الخوف
ويگولي قنقينه الله عليك لا تموتني تره الله يذبك بالنار ..
. گتله ادري يذبني بالنار قابل يوديني للحبانية ابو راس ..
المهم سحلتهم كلهم اسرى ..

طبعا وره ما سويت هيجي .. اجه الرئيس الروسي باسني من راسي وگلي
.. وليدي انته اقوى من گريندايزر والله ...
گتله لا يابه ما سويت شي كافي لتلح لتصير لوگي ..
المهم انطاني هدية سيارة لادا بعدها ما ماشيه بالچيس ..
واشترالي بنطرون كتان اصلي من الصين درجة أولى ..
وبوتين اديداس ابو العلامة ..
وراها رجعت للبيت شغلت المولدة لان ماكو كهرباء بالسويد ..
فتحت البالتوك طبيت لروم الجامعة
لگيت واحد ماريد اجيب اسمه مشلغم عالمايك
ههههههههههههههههه
المهم طفيت الكومبيوتر وگلت خلي استغلها ما دام مشغل المولدة ..
تمددت اباوع عدنان ولينا ...

لحد يگولي قنقينه چذاب والله العظيم عيب عليكم ههههههههه

قنقينه

موسكو

سنة تلاثة وعشرين وره البانزين خانة

*****

Written By: Abo Ali
Date Posted: 11/9/2008
Number of Views: 549

Comments

nahla_sam_23_10 Says:

3/8/2009 2:52:30 PM

هههههههههههه
عاشت ايدك قنقينه ابد ابد ماتعرف تكذب ولاتصفط حجي

Aqua_Man_Swe Says:

12/26/2008 6:02:41 PM

قنقن .. حقيقه بداعه شنو هلجذب المصفط والله احله هوايه من صدك هوايه ناس مخربط ... هههه بداعتي منو هذا جان مشلغم على المايك خخخخخخخ... بالمناسبه البوتين الاديداس هذا نكرته انت من هذوله اللي اسرتهم خخخخ

narmin_75 Says:

11/27/2008 7:34:19 PM

8an 8an warda hhhhh enhejam bet bania 3ala hal film el hendi ... wallah enta kateb raw3a hai wen chent hnood edwron 3alek hhhhh ....

bano Says:

11/16/2008 10:02:47 AM

احلى كذبة يا احلى قنقينة وكلما اشوف الامريكان اقول اه لو قنقينة هنا كان لعب بيكم طوبة اوجن خرشو عليك بس الله عليك منو على المايك كان ضحكتني موت

Says:

11/16/2008 9:21:47 AM

تحرير , ابو علي , بغدادية , القيثارة , رولا , سمانثا , قوت القلوب .. عاجز عن شكركم والله .. الله يسلمكم كلكم وتسلمون على المرور

قـنـقـيـنـه Says:

11/16/2008 9:19:58 AM

سوسن , حيدر , ابو منير , حرامي , نهر , رحمة , أمير , سونيا , ابن الفرات , موسيقى , منى , ام ساره , بلاك , منصف , جروح , ايمان , كراده

قوووت القلووب Says:

11/15/2008 8:33:43 PM

والله انت مبدع بلتنسيق القصه روعه متت ضحك راسي قام يوجعني من الضحك ..بس عاشت ايدك لان ماخذ العلج وياك شوف شلون مفيد كادات حربيه هههههه لوما العلج ما ربحت الحرب عاشت ايدك

smantha Says:

11/15/2008 3:19:40 AM

Amazing looooooooooooool

kyrstal1 Says:

11/15/2008 1:56:16 AM

ارجوك لتحرجني قنقينه بس اخرب واتكهرب

Rola_Baghdad Says:

11/14/2008 1:53:11 PM

قنقن... اهنيك على هل القصه والترابط الخرافي هههههههه
بس ممكن سؤال؟
ممكن تعطيني ماركة البايسكل ابو التدفئه وماركة القلم ابو النبالات جدااا انبهرت بيهم .
تحيتي يا مبدع حقاً

ألــقيــــثارة الـعــراقية Says:

11/14/2008 4:08:31 AM

قنقن عاشت ايدك تخبــــــــــــــــــل خربت ضحك عليها ... ننتظر منك المزيد...وطـــــــــــك D:

قـنـقـيـنـه Says:

11/12/2008 5:57:41 PM

تسلمون على المرور والتعقيب المثمر ( هاي شنو مثمر معرفتني ) ماگول منو چان مشلغم عالمايك ههههههه

baghdadiya_2 Says:

11/12/2008 12:36:34 PM

قنقن اقوى فقره جانت العلج الي لزكته بالرمانه ولزك بالدبابه رهيب عمي هذا علج ابو الشريس اكولك الله عليك منو جان مشلغم عالمايك هههههههههههههههههههه

خليل البصري Says:

11/12/2008 12:08:07 PM

قنقينة .. ارشحك لنيل جائزة نوبل للجذب ... فعلا كانت حلوة ونريد ترفع راسنا بالومبياد الجذب العالمي وتحقق المدالية الذهبية هاهاها

تحــــــــــــــــــــــــــــــــرير Says:

11/11/2008 12:21:30 AM

الكذب فعلا موهبة حقيقية ويحتاج إلى خيال خصب وقوة التأليف والجرأة على استغباء الآخرين قنقن بالكذب هذا خليت الفيله توكر على الاشجار وبطلت اطير دائما رائع قنقون!!!!

karada_alshawi Says:

11/10/2008 11:01:46 PM

قنقن اريدك تكتب عن سبب خساره امريكا بحرب فيتنام اكيد انت واحد من الاسباب المهمه

karada_alshawi Says:

11/10/2008 10:59:02 PM

هجم كوخك قنقن لتاذينه الله يخليك ... قنقن حبي راح اروح اقدم شكوه على الجزيزة الوثائقيه اكول هذا البطل اشو محد ذكر اسمه بالتقارير

قنقينه Says:

11/10/2008 6:24:41 PM

تسلمون يمعودين الاسطر متكفي ارد عليكم واحد واحد , تريدون اجيبلكم اسطر من روسيا ؟ ههههههههههه

EeMa N Says:

11/10/2008 4:50:48 PM

ههههههههههه
احداثك مترابطة بشكل غير معقول تنفع تكون كاتب للقصة
المشكلة اكو ناس يكتبون احداث التاريخ بهذا الشكل من خيالهم الخصب ويجبرون الناس على تصديقهم
اهنيك تنفع تكون رئيس العراق المرتقب .؟؟؟

juro7_galbi Says:

11/10/2008 4:50:42 PM

3ashat edak ee walah halgad chnet thayja mn 8ret hal film khrbet mnel th7ek walah ,, inshalh da2man atmat3na ab hal 8e9a9 el 7elwa :)

منصف محمد Says:

11/10/2008 3:16:12 PM

عزيزي قنقينة
لم أكن اعلم انك بهذا الخيال الواسع.
هناك تتابع جميل بالاحداث، ناهيك عن اللهجة المحلية الثرية.
انك مشروع لقصاص ناحج اذا صقلت موهبتك بالمطالعة المتواصلة.
تحياتي وأنا بانتظار قراءة المزي

blacklion Says:

11/10/2008 12:00:19 PM

قنقن صدكني اني مصدكك .... نسيت اكلك سمير يحجي عليك

IRAQ_u_OM-SARA Says:

11/10/2008 8:38:26 AM

قنقن على هذا الجذب مو زين انطاك لاده قنقن اني مقهوره عليك الله راح ايسويك تكه وكباب على هذا الجذب ههههههههههههههههههههههههههههههه بس حلوه عاشت ايدك

منى العراق Says:

11/10/2008 8:12:06 AM

هاي صدق جذب عدنه هيج بطل ومخبينه منا لشهر قنقينه راح يشن الحروب على كل الدول القويه ويحطمهابس دير بالك على دولة العراق يونفرستي حطم اعدائها بطل بطل اخو خيته هههههههههههههههه عابت الكذاب يروح للنار شك

IRAQ_u_MSUIC Says:

11/10/2008 8:03:45 AM

اخوان , قنقينة اكبر كذاب لسبب بسيط اني جنت رئيس الاتحاد السوفيتي هذاك الوقت وما اتذكر فد يوم خابرت واحد اسمة قنقينة .

ابن الفرات___ibn_al_farat Says:

11/10/2008 3:09:24 AM

تحياتي حبيبي قنقينه والله عاشت ايدك على الجذب مالتك والله انتي لازم تدخل في موسوعه كنيز الانه ضربت الرقم القياسي بالكذاب تعرف اني منا ورايح ماراح اقصد بيك حتى الانه اكو مثل عراقي ينطبق عليك يقول المث

أمير الكلام Says:

11/10/2008 3:07:43 AM

ذكرتني بقصة ابراهيم عرب من راح للاعظمية..اتمنى تعرفها لان ما اقدر اكتبها هنا الرقابة شغالة 25 ساعه وبنص على طول بس صدق انت طلعت اضرب منه .. اهنيك لان انت اكلت الاسد

IRAQ_u_SONYA Says:

11/10/2008 3:04:15 AM

هههههههههههههههه قنقن مجنت ادري بيك هيجي بطل عبالي بطل بس بالدعبل بس عليك الله اذا ايخابرك الرئيس الافغاني ويكَولك تعال الامريكان اذونه مرة اللخ كَله خلي اتصل على اوسكار تجي اتحرر و

أمير الكلام Says:

11/10/2008 3:01:04 AM

بشرفك قنقنة مو كافي لاعب بيها طوبة بأسألة الكلمات وخربت كل شغل خالو منصف تطلع لنا بالاتحاد السوفيتي؟
المشكلة انا لسه مصدق مو بيدي اعرفك قنقنة وكافي اقول عنك كذاب بعد خمس مية سنة ما اخلص منك
بس حبي

رحمه Says:

11/10/2008 2:12:22 AM

ههههههههههههههههههههههههههههه لك داد انت راح تروح للنار عدل وكَبل مو على مود الفلم الهندي بس هلكَت ما حلفت بالله كذب ابو علج ترة مدااعرفك ههههههههههههههه انزل على كَلبك والله ضحكتني قنقن

RIVER_R1 Says:

11/10/2008 1:03:57 AM

تدري قنقينة اني مصدك بيك لان من يوم شفت صورتك كلت هذا شبيه اميتهاب الهندي هههههههههههههههه

حرامي بغداد Says:

11/10/2008 12:29:15 AM

امداه الهيجي رئيس دولة معوضك بعلج بدل العلج الي انلزك بلدبابة
قنقون لو اني مكانك ماسوي شغلة بعد الهيجي رئيس
انت صوجك وحيل بيك تستاهل

الهاشمي Says:

11/9/2008 9:52:34 PM

هسه عرفت ليش الله طيح حظه للأتحاد السوفيتي و تفلش و لموه براغي و نتات بس قنقون ميصير تطبك ويه الأميركان عليهم بوقتها و تأذيها ، دشوف اميركا شلون دتلعب شاطي باطي ؟ كلها ن وراك

دكتور حيدر حداد Says:

11/9/2008 9:15:20 PM

عاشت أيدك والله موتتني ضحك رحم الله والديك كلش حلوة بس أريد منك خدمة صغيرة الله عليك تسويها أريدك ترجع للعراق وطوبز الأمريكان العلوج وتاخذ الأتفاقية الأمنية وترجع لأمريكا وتحرقها عند البيت الأبيض وتقو

sawsan Says:

11/9/2008 9:01:08 PM

hhhhhhhhhhhhhhhhhhhhhhhhhhhh